-
Jan Muhammed Khan
_________________safar aasaan nahiN
dhaan kay is khali boray maiN
_________________jaan ulajhti hay
putt-sun ki mazboot salakhaiN dil maiN gaRi haiN
_________________aur aakhON kay
_________________zard katOrON maiN
chand kay sikk'kay chann chann girtay haiN
aur badan maiN raat phailti jaati hay ...
aaj tumhari naNgi peeth per
_________________aag jalai kON
angaray dehkai kOn
jadd o jehad kay
_________________khooneeN phool khi'lai kON
meray shOlagur punjON maiN jaan nahiN
_________________aaj safar aasaaN nahiN
thoRi daire maiN yeh pug'dundi
too'th kay ik ganday talaab maiN gir ja'aye gi
maiN apnay taboot ki tanhai say lipat kar
so ja'ouN ga
paani paani ho ja'ouN ga
aur tumhaiN aagay jaana ...
_________________ik gehri neend maiN chaltay jana hay
aur tumhaiN oos nazar na aanay walay boray ...
_________________apnay khali boray ki pehchaan nahiN
Jan Muhammed Khan
_________________safar aasaan nahiN.
-
3 comments:
Enjoyed the post! Not many know of Saqi Farooqui...interesting that you dug him out...
Yes, Siyaah, been doing some digging on the modern in Urdu poetry. Came across Rashid, Saqi Farooqi and Zeeshan Sahil among others. Also discovered Afzal Ahmed Syed, but only in translation; I couldn't find his work in Urdu, online.
Saqi Farooqi (1936-2018)
Post a Comment